مانۆڕی هاوبەشی هێزەکانی هەسەدە و هاوپەیمانی ئەمریکا لە حەسەکە
هەواڵەکانی جیهانی ئیسلام؛ مانۆڕی هاوبەشی هاوپەیمانی ئەمریکا و هێزەکانی سوریای دیموکرات بۆ یەکەمجار لە باشووری شاری حەسەکە بەڕێوەچوو.
ڕۆژی رابردوو ١٦ی کانونی دووەم، هێزەکانی سوریای دیموکرات لە گەڕەکی “غویران” لە باشووری شاری حەسەکە، بە ئامادەبوونی ژمارەیەک ئەفسەر و هێزەکانی هاوپەیمانی ئەمریکا، مانۆڕێکی سەربازییان ئەنجامدا.
ئەنجامدانی ئەم مانۆڕە لەنێوان باڵەخانە نیشتەجێبووەکان بووه هۆی ترس و دڵەڕاوکێ لای هاووڵاتیان. ئەمە وەک یەکەم مانۆڕی هاوبەشی هێزەکانی هەسەدە و هاوپەیمانی ئەمریکا لە گەڕەکەکانی باشووری شاری حەسەکە دادەنرێت. یەکێک لە ئامانجەکانی ئەم مانۆڕە زیادکردنی ئامادەیی هێزەکانە بۆ پاراستنی زیندانی ئەلسناعە و پێشگرتن لە ڕووداو و هێرشەکان.
هاوکات لەگەڵ ئەم مانۆڕەدا کاروانێکی چەک و لۆجستیکی سەر بە هاوپەیمانی ئەمریکا کە لە ٥٠ بارهەڵگر پێکهاتبوو، چوونە ناو بنکەی ئەلشەدادیەوە. بنکەی ستراتیژی ئەلشەدادی دەکەوێتە کێڵگە نەوتییەکانی ئەلجبسە لە باشووری حەسەکە و بە یەکێک لە گرنگترین کۆگاکانی چەک و سووتەمەنی هاوپەیمانی ئەمریکا دادەنرێت.
لە هێرشێکی گروپی تیرۆریستی داعش بۆ سەر زیندانی ئەلسناعە لە گەڕەکی غویرانی شاری حەسەکە لە ١٩ی کانونی دووەمی ساڵی ٢٠٢٢، پێکدادان لەنێوان ئەم گرووپە و هەسەدە دروست بوو. لەئەنجامی ئەو پێکدادانانەدا کە زیاتر لە هەفتەیەک بەردەوام بوو، لانیکەم ٢٤٦ ئەندامی داعش و ٧٩ کەس لە هێزەکانی هەسەدە و حەوت هاوڵاتی مەدەنی کوژران و چەند فەرماندە و ئەندامی داعشیش توانیان لەم زیندانە هەڵبێن.
لێدوانەکان