تێکچوونی باری تەندروستی موسعەب ئاشتیە لە زیندانی دەسەڵاتی خۆبەڕێوەبەری فەلەستین
هەواڵەکانی جیهانی ئیسلام؛ باوکی موسعەب ئاشتیە، چەکداری فەلەستینی کە لە زیندانی دەسەڵاتی خۆبەڕێوەبەری فەلەستین دەستبەسەرە، لە تێکچوونی باری تەندروستی ناوبراو هەواڵی دایەوە.
ئاشتیە یەکێکە لە فەرماندەکانی گرووپی خۆڕاگری بێشەی شێرەکان (عرین الاسود) کە لەلایەن دەزگا ئەمنییەکانی دەسەڵاتی خۆبەڕێوەبەری فەلەستینەوە دەستبەسەر کراوە و ئێستا لە زیندانی بیتۆنیا لە بارودۆخێکی سەخت دایە.
عاکیف ئاشتیە، باوکی ئەم چەکدارە فەلەستینییە، ڕایگەیاندووە کە موسعەب زۆر پێویستی بە پشکنینی پزیشکییە و لە زینداندا چاودێری دۆخی تەندروستیی ناکرێت. ناوبراو داوای ئازادکردنی دەستبەجێی کوڕەکەی کرد.
جێی ئاماژەیە، لەم دواییانەدا لە بەرنامەی “ما خفي أعظم”ی کەناڵی ئەلجەزیرەدا باس لە دۆخی ئەم زیندانییە سیاسییە فەلەستینییە کرا و ڕاگەیەندرا کە دەزگا ئەمنییەکانی دەسەڵاتی خۆبەڕێوەبەری ناوبراویان ئەشکەنجە داوە و ئێستا لە دۆخێکی نالەباردایە.
پێنجشەممەی ڕابردوو، دەزگا ئەمنییەکانی دەسەڵاتی خۆبەڕێوەبەری فەلەستین، موسعەب ئاشتیەیان لە زیندانی ئەریحاوە بۆ زیندانی بیتۆنیا گواستەوە.
لێدوانەکان