مۆسکۆ: ئەمریکا لە سەرەتای شەڕەوە پێنج هەزار فڕۆکەی بێفڕۆکەوانی ڕەوانەی ئۆکرانیا کردووە
هەواڵەکانی جیهانی ئیسلام؛ سەرۆک ئەرکانی هاوبەشی سوپای ڕووسیا ڕایگەیاند، لە سەرەتای دەستپێکردنی شەڕ لەگەڵ کیێڤ، ئەمریکا زیاتر لە ٥ هەزار فڕۆکەی بێفڕۆکەوان و ٣٥٠ تانکی ڕەوانەی ئۆکرانیا کردووە.
ڤالێری گێراسیمۆڤ، سەرۆک ئەرکانی هاوبەشی سوپای ڕووسیا ڕایگەیاند، ئەمریکا، بەریتانیا، پۆڵەندا و ڕۆمانیا گەورەترین ڕۆڵیان لە ناردنی چەک بۆ ئۆکرانیا هەبووە.
ناوبراو لە درێژەی قسەکانیدا وتی: ئۆکرانیا لە سەرەتای ساڵی ٢٠٢٢ و دوای پشتیوانییە بەرفراوانەکانی ڕۆژئاوا، بووەتە وڵاتێکی دوژمن لەدژی ڕووسیا.
سەرۆک ئەرکانی هاوبەشی سوپای ڕووسیا ئاماژەی بەوەشکرد، لە ئێستادا بەرەکانی شەڕ لەگەڵ ئۆکرانیا ٨١٥ کیلۆمەترە و لە سەرەتای شەڕەوە وڵاتانی ڕۆژئاوا زیاتر لە ٣٥٠ تانک و ٥ هەزار فڕۆکەی بێفڕۆکەوانیان ڕەوانەی ئۆکرانیا کردووە.
گێراسیمۆڤ جەختی لەوە کردەوە کە هاوبەشی ستراتیژی لەگەڵ چین وەڵامێکی سروشتییە بۆ بەهێزبوونی کردەوە دوژمنکارانەی ئەمریکا لە ئاسیا و زەریای هێمن.
لێدوانەکان