مانۆڕی سەربازی کەتیبەکانی ئەلقەسام لە غەززە + ڤیدیۆ
هەواڵەکانی جیهانی ئیسلام؛ یەکە تایبەتەکان و کەتیبە نوخبەکانی شەهید “عزەدین ئەلقەسام”، باڵی سەربازی بزووتنەوەی حەماس، بۆ نیشاندانی ئامادەیی خۆیان بۆ ڕووبەڕووبوونەوەی ڕژێمی زایۆنیستی، مانۆڕێکی سەربازیان ئەنجامدا.
دوابەدوای زیادبوونی شەڕ و پێکدادانەکانی نێوان هێزەکانی ڕژێمی زایۆنیستی و فەلەستینیەکان، کەتیبەکانی شەهید عزەدین ئەلقەسام گرتەیەکی ڤیدیۆیی مەشق و ڕاهێنانی یەکەکانی نوخبەی خۆیان بڵاوکردەوە، کە تیایدا هێزەکانی ئەلقەسام بە چەک و موشەک مەشق دەکەن.
کەتیبەکانی شەهید عزەدین ئەلقەسام پێشتریش گرتەیەکی ڤیدیۆیی ڕووبەڕووبوونەوەی هێزەکانی ئاسمانیی لەگەڵ فڕۆکە جەنگییەکانی ڕژێمی زایۆنیستی لەسەر کەرتی غەززە بڵاوکردبووەوە.
چەند ڕۆژێک لەمەوبەر و لە یادی ٣٥ ساڵەی دامەزراندنی ئەم بزووتنەوەیەدا، کەتیبەکانی عزەدین ئەلقەسام پێشانگایەکیان لە ناوچەی جەبالیا لە باکووری کەرتی غەززە کردەوە، کە تێدا بەرهەمە سەربازییەکانی وەک مووشەکی ئێس ٥٠ و ئێم ٧٥ و قۆناغەکانی پێشکەوتن و گەشەکردنیان لە بەرهەمهێنانی چەک نمایشکرا، کە گرنگترینیان مووشەک، مووشەک هاوێژ، بۆمب و فڕۆکەی بێفڕۆکەوان بوون.
لێدوانەکان