پێشهاتەکانی یەمەن، ٢٧ی تشرینی دووەمی ٢٠٢٢

١- سەنعا:
لە ٢٥ی تشرینی دووەم، موسلح محەممەد ئەلمەشات، برا گەورەکەی مەهدی ئەلمەشات، سەرۆکی ئەنجومەنی باڵای سیاسی یەمەن شەهید بوو. موسلح تەمەنی ٤٣ ساڵ بووە و کوڕی دووەمی شەهیدی بنەماڵەی ئەلمەشات بوو. بەر لە ڕێککەوتنی ئاگربەست لە یەمەن و لە ئەنجامی بۆردومانەکانی هاوپەیمانی سعودیەدا، لە یەکێک لە بەرەکانی شەڕدا بریندار بوو و لە چەند ڕۆژی ڕابردوو گیانی لەدەست دا. سەید عەبدولمەلیک بەدرەدین حوسی، ڕێبەری شۆڕشی یەمەن و بزووتنەوەی ئەنساروڵڵا، بەرپرسانی دیکەی حکوومەتی یەمەن و باڵوێزخانەی ئێران لە سەنعا، سەرەخۆشی خۆیان بۆ گیان لەدەستدانی ناوبراو ڕاگەیاند.

٢- حەزەرمەوت:
– سعوودیە لیوای پێنجەمی هێزەکانی ژێر دەسەڵاتی لە پارێزگای حەزەرمەوت بە ناونیشانی “الدرع الوطن” (قەڵغانی نیشتمان) پێکدەهێنێت. ئەم لیوایە لە هۆزەکانی لایەنگری سعوودیە لە شاری سیئۆن و وادی حەزەرمەوت ئەرکی پاراستنی دامەزراوە نەوتییەکانی ئەو پاڕێزگایە دەبێت.
– لە ٢٢ی تشرینی دووەم، فڕۆکە بێفڕۆکەوانەکانی ئەنساروڵڵا بە ئاسمانی شاری ئەلموکەڵای ناوەندی پارێزگای حەزەرمەوت و بەندەر ئەلشەحردا بینران.
– لە ٢٤ی تشرینی دووەم، لە ئەنجامی هێرشێکی خۆکوژیی نەناسراو بۆ سەر بارەگای حزبی ئیسڵاح لە ناوچەی ئەلعەلام لە ئیدارەی ئەلعەبر، دوو کەس کوژران و سێ کەسی دیکەش برینداربوون. هەندێک لە سەرچاوە ناوخۆییەکان ئەم فڕۆکە بێفڕۆکەوانەیان بە فڕۆکەی ئیماراتی ناوبردووە و هەندێکی تریش تەقینەوەکەیان لە ئەنجامی تاقیکردنەوەی سەرنەکەوتووی فڕۆکەی بێفڕۆکەوانی خۆکوژی لە لایەن چەکدارانی حیزبی ئیسڵاح زانیوە.
– لە ٢٤ی تشرینی دووەم، دوای تەقینەوە لە بنکەی چەکدارانی حیزبی ئیسڵاح، کۆبوونەوەی فەرماندەی لیوا و فەوجەکانی ناوچەی ١ی سەربازی لە شاری سیئۆن بە هۆکاری ئەمنی هەڵوەشایەوە.

٣- شەبوە:
لە ئەنجامی تەقینەوەی بۆمبێک لەسەر ڕێگای ئۆتۆمبێلێکی هەڵگری هێزە چەکدارەکانی هێزەکانی پاراستنی شەبوە لە ناوچەی ئەلمەسینعە، سالم ئەلجەبوانی فەرماندەی فەوجی ٢ لە لیوای ١ی بەرگری شەبوە کوژرا و چوار کەسی دیکەش بریندار بوون.

٤- حودەیدە:
– لە ٢٠ی تشرینی دووەم، هێزەکانی ئەلعمالقە (سەر بە هاوپەیمانی سعودیە) رایگەیاند کە دوو فڕۆکەی بێفڕۆکەوانی ئەنساروڵڵایان لە ئاسمانی شارۆچکەی حیس و ئەلخۆخە لە باشووری پارێزگای حودەیدە خستووەتە خوارەوە.
– هێزەکانی هاوپەیمانی سعوودیە لە ماوەی ٤٨ کاتژمێری ڕابردوودا لەم پارێزگایە ٥٤ جار ئاگربەستیان پێشێل کردووە.