پێشهاتەکانی فەڵەستین، ١٢ی تشرینی دووەمی ٢٠٢٢

– لە ٧ی تشرینی دووەمدا، سەرچاوەکانی عیبری کۆبوونەوەی سەرۆکی ئیمارات محەمەد بن زاید لەگەڵ ئیسحاق هێرتزۆگ، سەرۆکی رژێمی زایۆنیستی لە پەراوێزی لوتکەی کەشوهەوا لە ناوچەی شەرم شێخی میسر راگەیاند.
– لە ٧ی تشرینی دووەمدا، جۆ بایدن، سەرۆکی ئەمریکا لە پەیوەندییەکی تەلەفۆنیدا لەگەڵ بنیامین نەتانیاهۆ، سەرۆکی پارتی لیکود، پیرۆزبایی سەرکەوتنەکەی لە هەڵبژاردنی کنێستی ئیسرائیلی کرد و تاوتوێی هەندێک بابەتیان کرد.
– لە ٨ی تشرینی دووەمدا، لە ئەنجامی ململانێی چەکداری لە نێوان گروپی خۆڕاگری بێشەی شێرەکان (عرین الاسود) و سەربازانی ئیسرائیلی لە نابلوس، فەلەستینییەک شەهید بوو و سێ کەسی دیکەش برینداربوون.
– لە ٩ی تشرینی دووەمدا، دانیشتوانی زایۆنیست هەڵیانکوتایە سەر شارۆچکەی ترمسعیا لە باکووری رامەڵڵا و لانیکەم ١٢٠ دار زەیتوونیان بڕی.
– لە ٩ی تشرینی دووەمدا، سوپای ئیسرائیل کەوتنە خوارەوەی فڕۆکەیەکی بێفڕۆکەوانی لە نزیک گۆڕی پێغەمبەر یوسف (د.خ) لە ڕۆژهەڵاتی نابلوس ڕاگەیاند.
– لە ٩ی تشرینی دووەمدا، دەیان زایۆنی بە پشتگیری هێزەکانی پۆلیسی ئیسرائیلەوە دەستدرێژیان کردە سەر مزگەوتی ئەقسا.
– لە ١٠ی تشرینی دووەمدا، میدیاکانی عیبری ڕایانگەیاند کە دوو فڕۆکەی جەنگی سەر بە ناوەندی فەرماندەیی سوپای ئەمریکا لە ڕۆژئاوای ئاسیا (CENTCOM) بەپشتیوانی ئاسمانی فڕۆکەکانی F-35ی ئیسرائیلەوە لە ئاسمانی فەلەستینی داگیرکراو بینراون.
– بەپێی سەرچاوە عیبرییەکان، کۆمپانیای ئەمریکی لۆکهید مارتن سێ فڕۆکەی دیکەی ئێف ٣٥ی رادەستی سوپای ئیسرائیل کردەوە. ئەم فڕۆکانە لە ٩ی تشرینی دووەم لە ئەمریکاوە فڕیون و دوای یەک ڕۆژ لە بنکەی ئاسمانی سوپای رژێمی زایۆنیستی لە فەلەستینی داگیرکراو لە ناوچەی ئەلنەقەب نیشتوونەوە.
– بەپێی راگەیێندراوی سوپای رژێمی زایۆنیستی، فەرماندەیی ناوەندی ئەو هێزانە فەرمانی دەستبەسەرداگرتن و رووخاندنی خانووی عەبدولڕەحمان و ئەحمەد عابد، دوو ئەنجامدەری ئۆپەراسیۆنەکانی دژە زایۆنی دەرکردووە کە بەهۆیەوە کەسێکی زایۆنی کوژرا.
– وەزارەتی دەرەوەی ئەمریکا: ئێمە زۆر نیگەرانین لە تێکچوونی دۆخی ئەمنی لە کەرتی ڕۆژئاوا و دەمانەوێت لایەنەکان ئارامیەکە بپارێزن.
– ئیمانوێل ماکرۆن سەرۆکی فەرەنسا لەگەڵ بنیامین نەتانیاهۆ، سەرۆکی پارتی لیکودی ئیسرائیل لە پەیوەندیەکی تەلەفۆنیەدا قسەی کرد. لەم پەیوەندییەدا، ماکرۆن پیرۆزبایی سەرکەوتنی بنیامین نەتانیاهۆ لە هەڵبژاردنەکانی کنێست کرد و بانگهێشتی ناوبراوی کرد بۆ گفتوگۆکردن لەسەر پرسە دووقۆڵییەکان و بە تایبەتی ئێران سەردانی پاریس بکات.
– بە پێی ڕاپۆرتی ناوەندی مافی مرۆڤی فەلەستین: لە سەرەتای ساڵی ٢٠٢٢ەوە ڕژێمی زایۆنیستی ١٦٤ فەلەستینی شەهید کردووە کە ٣٣ کەسیان منداڵ و ٨ کەسیان ژن بوون.