ئەمینداری گشتی حزبوڵڵا: لوبنان لە دژی فشارەکانی ئەمریکا و قەیرانی ئابووری وەستایەوە
هەواڵەکانی جیهانی ئیسلام؛ سەید حەسەن نەسروڵڵا ئەمینداری گشتی بزووتنەوەی حزبوڵڵای لوبنان وتارێکی سەبارەت بە دوایین پێشهاتەکانی ئەم وڵاتە و ڕووداوەکانی ناوچەکە پێشکەش کرد. سەید حەسەن ئاماژەی بەوەدا کە حزبوڵڵا تەنانەت بە شەڕیش ڕێگری لە دەرهێنانی غاز و نەوت لەلایەن رژێمی زایۆنیستیەوە دەکرد، وتی کە حکومەتی لاپید توانای شەڕی نەبوو و نەیدەتوانی واز لە دەرهێنانی غاز و نەوت لە کێڵگەی کاریش بێنێت، هەر لەبەر ئەم هۆکارەش ناچار بوو دانوستان بکات. ئامۆس هۆچشتاین، نێردەی تایبەتی ئەمریکا لە دانوستانەکانی دیاریکردنی سنوورە دەریاییەکانی نێوان لوبنان و ڕژێمی زایۆنیستی، هەروەها ڕایگەیاند کە ترس لە شەڕ بووە هۆی ڕێککەوتنەکە.
سەید حەسەن نەسروڵڵا بە ئاماژە بە بەشداری ملیۆنیی خەڵکی ئێران و بە تایبەت پارێزگای فارس لە بەڕێکردنی تەرمی پیرۆزی شەهیدانی کردەوە تیرۆریستییەکەی شیراز، وتی: ئەم ڕێپێوان و ئامادەبوونە مەزنە، پەیامێکی بەهێزی گەلی ئێران بۆ سەرجەم پیلانگێڕان بوو، سەبارەت بەوەی کە دوژمنانی ئێران خەونی بەتاڵ دەبینن، ئامادەبوونی بەربڵاوی خەڵک دەستپێکی وەڵامی یەکلاکەرەوە بۆ ئەو کەسانەیە کە لەم پیلان و ئاژاوەگێڕییەدا دەستیان هەبووە.
ناوبراو سەبارەت بە ڕێکەوتنی لوبنان و فەڵەستینی داگیرکراو لە سەر دیاریکردنی سنوری دەریایی، وتی: دوژمنی زایۆنیستی لەوە ئاگادار بوو کە هەڕەشەی حزبوڵڵا سەبارەت بە شەڕ جیدییە، ئەگەر شەڕێک دەکرا، ئەگەری ئەوە لە ئارادا بوو کە شەڕێکی ناوچەیی بێت و فەڵەستین، یەمەن و وڵاتانی بەرەی خۆڕاگری تێیدا بەشدار بن، لوبنان لە دانوستانەکانیش لە بەرامبەر هەڕەشەکانی ئەمریکا و ڕژێمی زایۆنیستی خۆیی بە دەستەوە نەدا.
ئەمینداری گشتی حزبوڵڵای لوبنان وتی کە ئەگەر ڕێگری لە دەرهێنانی نەوت و غازی لوبنان بکرێت، هیچ کەسێک ئەو مافەی نابێت، حزبوڵڵا لە لوبنان خوازیاری ئاسایشە بەڵام ئەگەر بەرژەوەندی نیشتمانی بخوازێت یارییەکە گۆڕانکاریی بە سەردا دێت، تەنانەت ئەگەر ئەم پرسەش بگاتە شەڕ.
لێدوانەکان