سەربازێکی تورکیا لە باکووری عێراق کوژرا
یەکشەممە 29 ئایار 2022 - 12:22
https://kurdish.iswnews.com/?p=12770
وەزارەتی بەرگری تورکیا کوژرانی سەربازێکی سوپای ئەو وڵاتەی لە میانەی ئۆپەراسیۆنی کلیل چنگ لە هەرێمی کوردستانی عێراق راگەیاند.
هەواڵەکانی جیهانی ئیسلام؛ لە ٢٨ی ئایار هەواڵی کوژرانی سەربازێکی تورکیا بە ناوی حەسەن چاتاڵ راگەیێنرا. بەگوێرەی زانیارییەكانی وەزارەتی بەرگریی توركیا، ناوبراو بە هۆی تەقینەوەی بۆمبێکی چێندراوی پەکەکە لە باکوری عێراق كوژراوە و سەربازێکی دیکەش لەو تەقینەوەیەدا بریندار بووە.
بە کوژرانی ئەم سەربازەی سوپای تورکیا ژمارەی کوژراوانی ئەو هێزانە لە ئۆپەراسیۆنی کلیل چنگ بۆ ١٩ کەس بەرزبوویەوە.
لە ٢٦ی ئایار ئەمساڵدا، لە هێرشێكی پەكەكە بۆ سەر بنكەیەكی سەربازیی توركیا لە باكووری عێراق، سەربازێكی توركیا بە ناوی مەهمەت مێرال كوژرا.
لێدوانەکان