٣ کوژراو لە ئۆپەراسیۆنێکی ئیستشهادی لە ناوەندی فەڵەستینی داگیرکراو
میدیاکانی زایۆنیستی ئێوارەی ڕۆژی رابردوو (پێنجشەممە) کوژرانی ٣ شارۆچکە نشینی زایۆنی و برینداربوونی ژمارەیەکی دیکەیان لە ئۆپەراسیۆنی ئیستشهادی فەڵەستینیەکان لە ناوچەی ئەلعاد لە ناوەندی فەڵەستینی داگیرکراو رایگەیاند.
ڕۆژنامەی یەدیۆت ئەهارۆنۆت ی ئیسرائیلی ڕایگەیاند کە ئەنجامدەرانی ئۆپەراسیۆنەکەی ئەمشەو لە ڕۆژهەڵاتی تەلئەبیب دوو کەس بوون کە یەکێکیان بە تەورێک هێرشی کردۆتە سەر زایۆنیستەکان و دووەمیان چەکدار بووە.
کاردانەوەی حەماس بە ئۆپەراسیۆنی تەلئەبیب
عەبدوللەتیف قانوع وتەبێژی حەماس لە کاردانەوەی ئۆپەراسیۆنەکەی ناوچەی ئەلعاد جەختیکردەوە: دیسان ئۆپەراسیۆنێکی قارەمانانەمان بینی کە لە چوارچێوەی وەڵامدانەوە بە دڕندەیی و دەستدرێژییەکانی داگیرکەران بۆ سەر مزگەوتی ئەقسا، گورزێکی توند لە دوژمنی زایۆنیستی و دەزگا ئەمنییەکانی درا.
قانوع جەختی لەوە کردەوە کە گەلی فەلەستین بە تەواوی ئەو ئامرازانەی کە لەبەر دەستیدایە لە بەرخۆدان و بەرگری لە مزگەوتی ئەقسا بەردەوام دەبێت، و گورزێکی توند لە داگیرکەرانی ئیسرائیلی دەدات لە هەر شوێنێک بن.
ناوبراو وتی دوژمنی زایۆنیستی باجی تاوانەکانی خۆی و سیاسەتە ڕەگەزپەرستەکانی بەرامبەر بە گەلی فەلەستین دەدات و گەلیش تا کۆتایی هێنان بە داگیرکاری واز لە بەرخۆدان ناهێنێت.
لێدوانەکان