شاندێکی باڵای حەماس سەردانی ڕووسیای کرد

هەواڵەکانی جیهانی ئیسلام؛ سەرچاوەکانی فەڵەستین رایانگەیاند کە شاندێکی باڵای بزووتنەوەی حەماس بە سەرۆکایەتی موسا ئەبومەرزق جێگری سەرۆکی نووسینگەی سیاسی حەماس و فەتحی حەماد، حسام بەدران و نوێنەری حەماس لە مۆسکۆ بۆ مەبەستی گفتوگۆ لەگەڵ بەرپرسانی ڕووسیا سەردانی ئەو وڵاتەیان کردووە.

بەپێی زانیارییەکان تەوەری گفتوگۆکان لەسەر دۆخی قودس، گۆڕانکارییە مەیدانییەکانی فەڵەستین و هەروەها پەیوەندییە دووقۆڵییەکان دەبێت. ئەمەش لەکاتێکدایە کە پەیوەندییەکانی ڕووسیا و رژێمی زایۆنیستی بە هۆی شەڕی ئۆکرانیاوە ڕووی لە ئاڵۆزبوون کردووە.

شایانی باسە لە کۆتایی مانگی کانوونی یەکەمدا شاندێکی بزوتنەوەی حەماس سەردانی مۆسکۆیان کرد بوو و لەگەڵ بەرپرسانی ڕووسیا کۆبوونەوە.