گرنگترین هەواڵەکانی شەست و حەوتەمین ڕۆژی شەڕ لە ئۆکرانیا، ١ی ئایاری ٢٠٢٢
هێزەکانی سوپای ئۆکرانیا هەلیکۆپتەرێکی کا-٥٢ی ڕووسیان بە موشەکی دژە زرێپۆشی Stugna-P ئۆکرانی تەقاندەوە.
کات و شوێنی ئەم ڤیدیۆیە نادیارە.
تایبەتمەندی مووشەکی Stugna-P:
مەودا: ١٠٠ بۆ ٥٠٠٠ مەتر
کێشی: ٢٩.٥ کیلۆگرام
درێژی مووشەک: ١٣٦٠ میلیمەتر
ڕێژەی چوونە ناو قەڵغان: ٨٠٠ میلیمەتری پۆڵا
سوپای ئۆکرانیا فڕۆکەیەکی بێفڕۆکەوانێکی ئۆرلان-١٠ی سوپای ڕووسیای لە پارێزگای زاپرۆزیا بە بەکارهێنانی سیستەمی بەرگری کورت مەودای Stormer HVM خستە خوارەوە. بەپێی میدیاکانی ئۆکرانی فڕۆکە بێفڕۆکەوانەکە سەر بە وەزارەتی فریاکەوتنی ڕووسیایە.
بە درێژایی شەڕی ئۆکرانیا ژمارەیەکی زۆر لە فڕۆکەی بێفڕۆکەوانەکانی ئۆرلان-١٠ خراوەتە خوارەوە و هەندێک جار جیاوازیان هەیە. ڕەنگە ئەم جیاوازییە بە هۆی جیاوازی لە وەشانەکانیان بێت و سوپای ڕووسیا بەهۆی فراوانی شەڕەکان و ژمارەی سنوورداری فڕۆکە بێفڕۆکەوانەکانی هەموویان بەکاردێنێت.
نوێ دەکرێتەوە..
لێدوانەکان