ئایەتوڵڵا خامنەیی: ڕۆژی قودسی ئەمساڵ جیاوازە لە ساڵەکانی تر
هەواڵەکانی جیهانی ئیسلام؛ بەپێی پێگەی ڕاگەیاندنی نووسینگەی ڕێبەری مەزنی شۆڕشی ئیسلامی ئێران، ئایەتوڵڵا خامنەیی ئێوارەی ڕۆژی سێشەممە لەگەڵ سەدان خوێندکار و ئەندامانی ڕێکخراوی خوێندکارەکان دیداریان کرد.
ئایەتوڵڵا خامنەیی لەم دیدارەدا بە ئاماژە بە ڕووداوەکانی ئەم دواییەی فەڵەستین وتیان: فەڵەستینییەکان فیداکاری گەورە دەکەن و ڕژێمی زایۆنیستیش بە پشتیوانی ئەمریکا و ئەوروپا ئەوپەڕی دڕندەیی و تاوان ئەنجام دەدات. حکومەتە ئیسلامییەکان لەسەر فەڵەستین زۆر بە خراپی کار دەکەن و هەندێکیان ئامادە نین هیچ لێدوانێکی ڕاست و دروست لەو بارەیەوە بدەن.
بەڕێزیان وتیان: هەڵەی گەورە ئەوەیە کە وا بیر بکەینەوە کە ڕێگای یارمەتیدانی فەڵەستین هەبوونی پەیوەندییە لەگەڵ زایۆنیستەکان. میسر و ئوردن ٤٠ ساڵ پێش ئێستا ئەم هەڵەیەیان کرد، ئایا دڕندەیی زایۆنیستەکان کەم بوویەوە؟ نەخێر، ١٠ ئەوەندە زیادی کرد. هەندێک دەیانەوێت ئەزموونی میسری ئەنوەرسادات دووبارە بکەنەوە. ئەمە بۆ خۆیان و فەڵەستینیەکان زیانبەخشە. هەڵبەتە بۆ ڕژێمی زایۆنیستیش سوودی نییە.
ئایەتوڵڵا خامنەیی هەروەها وتیان: هیوادارم خودا بەم زووانە پرسی فەڵەستین بە باشی و خۆشی بە کۆتایییەکەی بگەیەنێت و فەڵەستینیەکان بەسەر خاکەکەیاندا زاڵ بکات.
لێدوانەکان