تەقینەوەیەکی تیرۆریستی؛ ئەم جارە لە مزگەوتێکی ئەهلی سوننەت ی پارێزگای قۆندوز + وێنە و ڤیدیۆ
هەواڵەکانی جیهانی ئیسلام؛ لە ئاکامی تەقینەوەیەکی تیرۆریستی لە مزگەوتی شارۆچکەی ئیمام ساحیب ی باکوری پارێزگای قۆندوز لە ئەفغانستان، زیاتر لە ٧٠ کەسی سڤیل بوونە قوربانی.
لە هێرشێکی ئینتحاری کەسێکی نەناسراو لە مزگەوتی مەولەوی سکەندەر ی شارۆچکەی ئیمام ساحیب، ٢٣ کەسی سڤیل گیانیان لەدەست دا و ٤٣ کەسی دیکەش برینداربوون.
ئەم هێرشە پێنجەمین هێرشی تیرۆریستییە کە لە ماوەی چەند ڕۆژی رابردوو لە دژی شوێنە ئایینیەکان و خەڵکی مەدەنی لە شارەکانی کابوڵ، مەزارشەریف و قۆندوز ئەنجام دەدرێت. ڕۆژی ٢١ی نیسان، زیاتر لە ١٠٠ هاوڵاتی مەدەنی لە ئەنجامی چەند تەقینەوەیەکی تیرۆریستی لە شارەکانی مەزارشەریف، قۆندوز و خوگیانی ئەفغانستان گیانیان لەدەست دا و برینداربوون.
وتەبێژی تاڵیبانیش ئیدانەی ئەو هێرشانەی کرد و وتی: هەوڵەکان بۆ دەستگیرکردنی ئەنجامدەری ئەو پەلامارە تیرۆریستییە بەردەوامە. تا ئێستا هیچ گروپێک بەرپرسیارێتی هێرشە تیرۆریستییەکانی قۆندوز نەگرتووەتە ئەستۆ، بەڵام پێدەچێت لەلایەن چەکدارانی گروپی تیرۆریستی داعشەوە ئەنجام درا بێت.
لێدوانەکان