پێنجشەممە 20 ئایار 2021 - 00:29
ڕووداوەکانی فەلەستین؛ ١٩ی ٥ی ٢٠٢١ + وێنە و ڤیدیۆ
دوایین ئاماری شەهید و بریندارەکانی کەرتی غەزە گەیشتە ٢١٩ شەهید (٦٣ منداڵ و ٣٦ ئافرەت) و ١٥٣٠ بریندار.
دوایین ئاماری شەهید و بریندارەکانی کەرتی غەزە گەیشتە ٢١٩ شەهید (٦٣ منداڵ و ٣٦ ئافرەت) و ١٥٣٠ بریندار.
گروپە بەرخۆدانەکانی فەلەستینی لە سەرەتای دەستپێکردنی پێکدادانەکان تا ئێستا زیاتر لە ٤٠٠٠ ڕۆکێتی جۆراوجۆریان ئاراستەی ناوچە داگیرکراوەکان کردووە کە لەو ژمارەیە نزیکەی ١٨٠٠ ڕۆکێت بە سەرکەوتوویی بە تێپەڕبوونیان لە سیستەمی بەرگری ئاسمانی رژێمی ئیسرائیل ئامانجەکانیان پێکاون. هەروەها فڕۆکە جەنگییەکانی ئیسرائیل تا ئێستا زیاتر لە ٢٠٠٠ هێرشی ئاسمانییان بۆ سەر ناوچە جیاجیاکانی غەزە ئەنجام داوە.
هەواڵەکانی جیهانی ئیسلام: لێواکانی ئەلقەسام ڤیدیۆی هێرشە ڕۆکێتەکەی ئەو هێزانەی بۆ سەر مفتاحیم لە ناوچەی ئەشکوول بڵاو کردەوە کە سوود لە ڕۆکێتی جۆری Q20 وەرگیراوە. بە پێی زانیارییەکان، لە ئەنجامی ئەم هێرشەدا دوو زایۆنی کوژران و زیاتر لە ١٠ زایۆنی دیکەش برینداربوون.
هەواڵەکانی جیهانی ئیسلام: کەتیبەکانی ئەلقەسام باڵی سەربازیی بزووتنەوەی حەماس ڕایگەیاند، کە کەشتییەکی جەنگیی “ئیسرائیلی” لە کەنارەکانی غەززەی کردۆتە ئامانج.
ئاماری شەهید و بریندارەکانی کەرتی غەزە بەرزبوویەوە بۆ ٢٠٠ شەهید (٥٩ منداڵ و ٣٥ ئافرەت) و ١٣٠٥ بریندار.
هەواڵەکانی جیهانی ئیسلام: حیسام ئەبو هربید فەرماندەیەکی مەیدانی سەرایا ئەلقودس لە ئەنجامی بۆردومانەکانی رژێمی ئیسرائیل شەهید بوو.
گروپە بەرخۆدانەکانی فەلەستینی لە سەرەتای دەستپێکردنی پێکدادانەکان زیاتر لە ٣١٠٠ ڕۆکێتی جۆراوجۆریان ئاراستەی ناوچە داگیرکراوەکان کردووە، کە نزیکەی ١٤٤٠ لەو ڕۆکێتانە بە تێپەڕبوونیان لە سیستەمی بەرگری ئاسمانی ئیسرائیلدا بە سەرکەوتوویی ئامانجەکان پێکاون.
هەروەها فڕۆکە جەنگییەکانی ئیسرائیل تا ئێستا زیاتر لە ١٥٠٠ هێرشی ئاسمانییان بۆ سەر ناوچە جیاجیاکانی غەزە ئەنجام داوە.
لە شەش ڕۆژی شەڕدا زیاتر لە ٣١٠٠ ڕۆکێت ئاراستەی ناوچە داگیرکراوەکان کراون، ئەمەش ئاماژە بە زیادبوونی بەرچاوی توانای ڕۆکێتی گروپەکانی بەرخۆدانی فەلەستینی دەکات.
هەواڵەکانی جیهانی ئیسلام: لە چەند ڕۆژی ڕابردوو کۆمەڵێک لە دانیشتوانی زایۆنی تەلئەبیب وەک ناڕەزایەتیەک بەرامبەر بە شەڕ کردنی دژ بە فەلەستینییەکان گردبوونەوە و داوای ڕاگرتنی شەڕیان کرد.
هەواڵەکانی جیهانی ئیسلام: سەرایا ئەلقودس باڵی سەربازیی بزووتنەوەی جیهادی ئیسلامی لە فەلەستین بە بڵاو کردنەوەی ڤیدیۆیەک لە بەکارهێنانی ڕۆکێتێکی نوێ بە ناوی “قاسم” لە هێرشەکانی بۆ سەر ناوچە داگیرکراوەکانی فەلەستین هەواڵی دایەوە.
