سەردانی شیاع سودانی بۆ تاران - هەواڵەکانی جیهانی ئیسلام

لە چەند ڕۆژی رابردوودا محەممەد شیاع سودانی، سەرۆکوەزیرانی عێراق بە سەرۆکایەتی شاندێکی سیاسی-ئابووری سەردانی تارانی کرد. لەم سەردانەدا بابەتگەلێکی وەک گەرەنتیکردنی ئاسایشی سنوورە هاوبەشەکانی ئێران لەگەڵ هەرێمی کوردستان و دەرکردنی گرووپە تیرۆریستییەکان لەو ناوچانە و ئاسۆی هەناردەکردنی ٢٠ ملیار دۆلاری کاڵا لە ئێرانەوە بۆ عێراق و درێژەدان بە ڕۆڵی نێوەندگیریی بەغدا لە نێوان تاران و ڕیاز تاوتوێ کران.

سەرۆک کۆماری ئیسلامی ئێران وتی: لە ڕوانگەی ئێران و حکومەتی عێراقەوە ئاسایش و ئاشتی و سەقامگیری لە ناوچەکە بابەتێکی زۆر گرنگە و هەر بۆیە بەرەنگاربوونەوەی گرووپە تیرۆریستییەکان، تاوانی ڕێکخراوەیی، قاچاخی مادەی هۆشبەر و هەر ئاڵۆزییەک کە هەڕەشە لە ناوچەکە بکات، لە ڕیزی ئیرادە و ڕێکەوتنەکانی نێوان هەر دوو وڵاتە.

ڕێبەری باڵای شۆڕشی ئیسلامی ئێران لە دیدار لەگەڵ سەرۆک وەزیرانی عێراق و شاندی یاوەری: بە پشت بەستن بە خەڵک و گەنجانی بە توانا و خاوەن ئیرادە لە دژی دوژمنانی پێشکەوتنی عێراق بوەستن.