دەستلەکارکێشانەوەی ڕەوتی سەدر - هەواڵەکانی جیهانی ئیسلام

شارەزایەکی کاروباری عێراق سەبارەت بە کشانەوەی سەید موقتەدا سەدر و ڕەوتەکەی لە پەرلەمانی ئەم وڵاتە، وتی کە ئەگەرچی سەدرییەکان دەڵێن لە چالاکی سیاسی بۆ پێکهێنانی حکومەت دوور دەکەونەوە، بەڵام هێشتا لە پێکهاتەی حکومەت بە تایبەت حکومەتە خۆجێیەکان بوونیان هەیە و تێڕوانینی ئەوان ئەوەیە کە لە داهاتوویەکی نزیک و کورت ماوەدا خۆپێشاندانێکی گەورە لە عێراق ڕوو دەدات، ستراتیژی ئەوانیش ئەوەیە کە پەیامی ئەوە بە خەڵک بدەن سەدرییەکان بەشێک لەم دەسەڵاتەی ئێستا نین.

لیژنەی هەماهەنگی شیعەکانی عێراق وێڕای ڕێزگرتن لە دەستلەکارکێشانەوەی نوێنەرانی موقتەدا سەدر رایگەیاند کە بەردەوام دەبن لە کارکردن بۆ پێکهێنانی حکومەتێکی نیشتمانی.