هەواڵەکانی جیهانی ئیسلام؛ خۆپیشاندانی دەیان هەزار زایۆنی لە ناڕەزایەتی بەرامبەر بە پلانی چاکسازیی دادوەریی حکومەتی نەتانیاهۆ لە فەلەستینی داگیرکراو بەردەوامە.
هەواڵەکانی جیهانی ئیسلام؛ هاوکات لەگەڵ هەوڵەکانی پەرلەمانی رژێمی زایۆنیستی بۆ پەسەندکردنی یاسای مشتومڕاوی “چاکسازیی سیستەمی دادوەری” لە خوێندنەوەی یەکەمدا، هەزاران کەس لە دانیشتووانی زایۆنی فەلەستینی داگیرکراو خۆیان بۆ خۆپیشاندان لە تەلئەبیب و قودسی داگیرکراو ئامادە دەکەن.
خۆپیشاندانەکانی ٢١ی کانونی دووەم لە شارەکانی قودس، تەلئەبیب و حەیفا دژی سیاسەتەکانی سەرۆکوەزیرانی نوێ، کاردانەوەی زۆری لە ناوەوە و دەرەوەی فەلەستینی داگیرکراو بەدوای خۆیدا هێنا. بەگوێرەی (هارێتز)ی ئیسرائیلی، زیاتر لە ٢٥٠٠ کەس لە شاری حەیفا و زیاتر لە ١٠٠ هەزار کەس لە شەقامی کاپلانی تەلئەبیب گردبوونەوەیەکی ناڕەزایەتی و خۆپیشاندانیان دژی ناتانیاهۆ ئەنجامداوە.
هەواڵەکانی جیهانی ئیسلام؛ زیاتر لە ١٠٠ هەزار زایۆنی لە شارە جۆربەجۆرەکانی فەلەستینی داگیرکراو بەمەبەستی ناڕەزایەتی دەربڕین بەرامبەر بە بەرنامەی چاکسازیی دادوەریی سەرۆک وەزیرانی ئیسرائیل گردبوونەوە.
