هەر جارێک خەلیفەیەکی نوێ هەڵدەبژێردرێت، داعش ڕاپۆرتی وردی ڤیدیۆیی سەبارەت بە بەیعەتی ئەندامانی لە شوێنە جیاجیاکان بڵاودەکاتەوە. ئەم وێنانە زانیاری باشیان تێدایە دەربارەی جوگرافیای بڵاوەپێکردنی داعش و هەروەها نیشان دەدات کە گروپەکانی داعش لەو شوێنانەی کە جێگیرکراون چەندە لەژێر فشاردان، یان چەندە توانای مانۆڕ و جوڵەیان هەیە.
هەواڵەکانی جیهانی ئیسلام؛ گرووپی تیرۆریستی داعش، لە نوێترین ڕۆژنامەی هەفتانەی خۆیدا، گێڕانەوەی میدیاکانی سەبارەت بە چۆنیەتی کوژرانی ئەبولحەسەن قوڕەشی ڕەتکردەوە.
هەواڵەکانی جیهانی ئیسلام؛ دوای کوژرانی ئەبولحەسەن ئەلهاشمی ئەلقوڕەشی، سەرکردەی پێشووی گرووپی تیرۆریستی داعش لە پارێزگای دەرعای سووریا، ئەبولحسێن ئەلحوسێنی ئەلقوڕەشی وەک سەرکردەی نوێی ئەم گرووپە تیرۆریستییە دەستنیشانکرا.
چوارشەممەی رابردوو ٣٠ی تشرینی دووەم، ئەبو عومەر موهاجیر وتەبێژی داعش لە چوارەمین پەیامی خۆیدا بەناونیشانی “فیقتلون و یقتلون” کوژرانی ئەبولحەسەن ئەلهاشمی ئەلقوڕەشی سەرکردەی داعش و جێنشینی ئەبولحسێن حوسەینی ئەلقورەشی ڕاگەیاند. ئەمە یەکەمجارە داعش پێش ئیدیعای ئەمریکا کوژرانی ئەمیر یان خەلیفەی خۆی ڕادەگەیەنێت و ئەمەش ئەوە دەریدەخات کە ئەو گروپە یان ئەو هێزەی سەرکردەی داعشیان کوشتووە نەیانزانیووە کێ دەکوژن، چونکە ئەگەر بزانایە بە دڵنیاییەوە بە باشترین شێوە سوود لە ڕاگەیاندنی ئەم هەواڵە وەردەگرت!
