سەردانی ئەردۆغان بۆ ئێران - هەواڵەکانی جیهانی ئیسلام

ئایەتوڵڵا خامنەیی ڕێبەری مەزنی شۆڕشی ئیسلامی ئێران ئەمڕۆ سێشەممە ١٩ی تەمموزی ٢٠٢٢ لە دیدارێکدا لەگەڵ ڕەجەب تەیب ئەردۆغان سەرۆک کۆماری تورکیا و شاندی یاوەری، جەختیان لە پێویستی بەرزکردنەوەی ئاستی هاوکارییەکانی نێوان دوو وڵات و بەتایبەت لە بواری ئابوری و بازرگانی کردەوە، و رژێمی زایۆنیستی یەکێک لە هۆکارە سەرەکییەکانی ناکۆکییەکانی نێوان وڵاتانی ئیسلامی زانی و جەختیان لەوەش کردەوە کە ئەمریکا و رژێمی داگیرکەر ناتوانن ڕێگری لە خەباتی بەربڵاوی فەڵەستینییەکان بکەن، و سەبارەت بە پرسی سووریا ئاماژەیان بەوە کرد: پاراستنی یەکپارچەیی خاکی سووریا زۆر گرنگە و هەر هێرشێکی سەربازی لە باکووری سووریا بە دڵنیاییەوە زیان بە تورکیا و سووریا و تەواوی ناوچەکە دەگەیەنێت، و لە بەرژەوەندی تیرۆریستان دەبێت.

ڤلادیمیر پوتین سەرۆک کۆماری ڕووسیا و ڕەجەب تەییب ئەردۆغان سەرۆک کۆماری تورکیا بۆ کۆبووەوە لەگەڵ بەرپرسانی ئێرانی گەیشتنە پایتەختی ئەم وڵاتە.

هەواڵەکانی جیهانی ئیسلام؛ ئاژانسی هەواڵی ئەنادۆڵی تورکیا ڕۆژی سێ شەممە بڵاویکردەوە، ڕەجەب تەیب ئەردۆغان سەرۆک کۆماری تورکیا ڕۆژی ١٩ی تەمووز سەردانی تاران دەکات.