نەخشەی تاجیکستان - هەواڵەکانی جیهانی ئیسلام

پەیوەندییەکانی ئەمریکا و تاجیکستان دوای گۆڕانی حکومەت لە ئەفغانستان و نائارامییەکانی ئەم دواییەی وڵاتانی ئاسیای ناوەڕاست، ئاستێکی بەرزتری لە هاوکارییە سەربازی و ئەمنییەکانی بەخۆیەوە بینیوە. ئەمریکا بە زیادکردنی ئەم هاوکارییانە بۆ حکوومەتی ئیمامعەلی ڕەحمان و کاریگەریی فەرهەنگی لە کۆمەڵگەی تاجیکستان بە نیازی دروستکردنی بنکەیەکی نوێیە لە ئاسیای ناوەڕاست.

بەردەوامی ناڕەزایەتییەکان لە کازاخستان، قەیرانی ئابووری و ئەمنی لە ئەفغانستان، سەرکوتکردنی ناڕەزایەتییە جەماوەرییەکان لە پارێزگای بەدەخشانی تاجیکستان، ناڕەزایەتییەکانی ناوچەی ئۆتۆنۆمی قەرەقالپاقستان و قەبارەی زۆری ناردنی یارمەتییە سەربازییەکان بۆ وڵاتانی ناوچەی ئاسیای ناوەڕاست سەرنج و کێبڕکێی زلهێزەکانی ڕۆژئاوا و ڕۆژهەڵات لەم ناوچەیەدا نیشان دەدات.