ئەرمینیا - Page 4 of 5 - هەواڵەکانی جیهانی ئیسلام

لە هەوڵێکی سەرنەکەوتوودا ڕۆژی دووشەممە ١ی ئاب، سوپای ئازەربایجان هەوڵی کۆنتڕۆڵکردنی ناوچەی قەرەباغ لە ژێر کۆنترۆڵی چەکدارە ئەرمەنی و ئەو بەشەی سوپای ئەرمینیای دا کە لەو ناوچەیە ماونەتەوە. هەرچەندە وەزارەتی بەرگری ئازەربایجان لە بەیاننامەیەکدا ئەم هەواڵەی ڕەتکردەوە، بەڵام بەڵگە مەیدانییەکان لە ناوخۆی ئازەربایجان، بەیاننامەی وەزارەتی بەرگریی فیدراسیۆنی ڕووسیا، ڕاپۆرتی میدیاکانی ئەرمینیا و ڕووسیا، و هەروەها بەشی راگەیێندراوی ئەرمەنییەکان لە ناگۆرنو-قەرەباغ ئەم بابەتە پشتڕاست دەکەنەوە.

سەرۆکی دەزگای هەواڵگری ناوەندی ئەمریکا لە گەشتێکی ڕانەگەیەندراو و چاوەڕواننەکراودا چووە ئەرمینیا و لەگەڵ بەرپرسانی ئەم وڵاتە کۆبووەوە. دوای سێ ڕۆژ، سەرۆکی دەزگای هەواڵگری دەرەوەی ڕووسیاش سەردانی ئەرمینیای کرد. بە لەبەرچاوگرتنی پێشهاتەکانی ئەم دواییەی ناوچەکە، وا دیارە کە کێبڕکێی سیاسی و سەربازیی نێوان ڕووسیا و ئەمریکا تا قەفقاز درێژ بووەتەوە.

سیستەمی پارەدانی نێودەوڵەتی سویفت لە ڕوسیا لەوانەیە بەهۆی گرژییەکانی ئەم دواییەی سنووری ئۆکرانیا، لەلایەن یەکێتی ئەوروپا و ئەمریکاوە ببڕدرێت و ئەم بابەتە کاریگەرییەکی زۆری لەسەر ئابووری ئەرمینیا دروست دەکات.

هەواڵەکانی جیهانی ئیسلام؛ ئازەربایجان ڕۆژی یەکشەممە ١٩ی کانوونی یەکەم بە نێوەندگیری یەکێتی ئەوروپا ١٠ دیلی ئەرمەنی ڕادەستی ئەرمینیا کردەوە. ئەم سەربازانە ڕۆژی ١٦ی تشرینی یەکەم لە پێکدادانە سنوورییەکانی پارێزگاکانی کۆڵبەجەر لە ئازەربایجان و سیۆنیکی ئەرمینیا دەستگیرکرابوون.

دانوستانە سێ قۆڵییەکەی نێوان سەرکردەکانی ئازەربایجان و ئەرمینیا بە نێوەندگیری سەرۆکی ئەنجومەنی ئەوروپا، زووتر لە کاتی خۆیدا و لە ئێوارەی ڕۆژی سێشەممە ١٤ی کانوونی یەکەم، لە بارەگای یەکێتی ئەوروپا بەڕێوەچوو. پێشتر بڕیاری ئەوە درا بوو کە گفتوگۆکان لە ١٥ی کانوونی یەکەمی ٢٠٢١دا ئەنجام بدرێت.

هەواڵەکانی جیهانی ئیسلام؛ نوێنەرانی ئۆپۆزسیۆنی پەرلەمان ڕەشنووسێکیان داڕشتووە کە داوای دەستلەکارکێشانەوەی ئالن سیمۆنیان سەرۆکی پەرلەمانی ئەرمینیا دەکەن.

وەزارەتی دەرەوەی ئەرمینیا لە بەیاننامەیەکدا رایگەیاند: هێزە چەکدارەکانی ئازەربایجان لە مانگی ئایارەوە بە شێوەی نایاسایی هێرشیان کردە سەر خاکی ئەرمینیا و زیاتر لە ٤٠ کیلۆمەتری دووجایان داگیرکردەوە. ڕووداوەکەی هەینی ١٠ی کانوونی یەکەم لە یەکێک لەو ناوچە داگیرکراوانە ڕوویدا.

هەواڵەکانی جیهانی ئیسلام؛ ڕۆژی هەینی ١٠ی کانوونی یەکەم، جارێکی تر پێکدادان لەنێوان هێزە سەربازییەکانی ئەرمینیا و ئازەربایجان لە سنوری پارێزگای کەلبەجەر-ی ئازەربایجان و پارێزگای گەغارکۆنیک-ی ئەرمینیا دروست بوو.

گۆغام ستێپانیان، هاوڵاتییەکی ئەرمەنی و چالاکوانی مافی مرۆڤ لە ناگۆرنو-قەرەباغ بە ڕادیۆی ئەرمەنی ڕاگەیاند: هێزەکانی ئازەربایجانی لە ڕۆژی پێنجشەممە ٢ی کانوونی یەکەم لە نزیک هێڵی پەیوەندی لە نزیک بازاڕی رایونی شارۆچکەی قرمزی (کارمیرشووکا مارتۆنی ئارتساخ) تەقەیان لە خەڵکی سڤیل کردووە و تا ١٥ خولەک بەردەوام بووە.

هەواڵەکانی جیهانی ئیسلام؛ ڕۆژی هەینی کۆبوونەوەی سێ لایەنانەی سەرۆکانی روسیا و کۆماری ئازەربایجان و ئەرمینیا لە سۆچی ڕوسیا بەڕێوەچوو و لایەنەکان دوای دانوستانەکان لەسەر کەمکردنەوەی گرژییەکان و چارەسەرکردنی ناکۆکییەکان ڕێکەوتن.