چەندین تەقینەوە لە ناوچەی سێیەمی سەربازی مارب ڕوویدا

چوار شه‌ممه‌ 9 تشرینی دووه‌م 22 - 09:37
https://kurdish.iswnews.com/?p=19377

هەواڵەکانی جیهانی ئیسلام؛ لەئەنجامی چەند تەقینەوەیەک لە کۆگاکانی چەک لە ناوچەی سێیەمی سەربازی، چەند کەسێک کوژران و بریندار بوون.

میدیا ناوخۆییەکان هۆکار و ئەگەری جۆراوجۆریان سەبارەت تەقینەوەکانی مارب ڕاگەیاندووە کە هەندێکیان بەم شێوەیەن:
١- ئەنساروڵڵا بە شەش موشەک هێرشی کردووەتە سەر کۆگاکانی چەکی ناوچەی سێیەمی سەربازی شاری مارب.
٢- بەشێک لە ئەندامانی حیزبی ئیسڵاح رایانگەیاندووە کە فڕۆکە بێفڕۆکەوانەکانی ئیمارات هێرشیان کردۆتە سەر کۆگاکانی چەکی ناوچەی سێیەم.
٣- تەقینەوەکان بەهۆی ئاگرکەوتنەوە لە کۆگای چەکدا بووە کە بۆ مانۆڕی سەربازی لە چەند ڕۆژی داهاتوودا ئامادەکراون.

بەگوێرەی سەرچاوە خۆجێییەکان، لە ئەنجامی ئەو تەقینەوانەدا، چوار هاوڵاتی مەدەنی کوژراون و زیاتر لە هەشت کەسیش برینداربوون. سەرەڕای ئەو ئەگەرە جۆراوجۆرانەی کە باس کراون، هیچ لایەن یان گروپێک هیچ لێدوانێکیان لەسەر ئەم تەقینەوە نەداوە و ئەو حاڵەتانەی باسکراون تا ئێستا نەسەلمێنراون و تەنها قسە و باسن.

سەرەڕای دیارنەبوونی وردەکاری تەقینەوەکان، ڕێکخراوی مافی مرۆڤ بەبێ ئەوەی بەڵگە و وردەکاری بخاتەڕوو، ئەو تەقینەوانەی وەک هێرشێکی تیرۆریستی شەرمەزار کردووە و داوای لە ئەنساروڵڵا کردووە خۆی لە بەئامانجگرتنی خەڵکی سڤیل بەدوور بگرێت! ئەم بانگەشەیە لە کاتێکدا دەکرێت کە حیزبی ئیسڵاح فڕۆکەی بێفڕۆکەوانی ئیماراتی بە هۆکاری هێرشەکە زانیوە و هۆزەکانی مارب ـیش هاوپەیمانی سعوودیە و حیزبی ئیسڵاحیان بە هۆکاری نائەمنی، تیرۆر و تەقینەوەی گوماناوی لە مارب دەزانن. ئەمە لەکاتێکدایە کە دەسەڵاتدارانی ئەنساروڵڵا و میدیاکانی سەر بەو هێزانە تا ئێستا هیچ لێدوانێکیان لەبارەی هێرشەکەی سەر مارب بڵاونەکردووەتەوە.

بەشی بکە:
لێدوانەکان

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

رێکلام لە هەواڵەکانی جیهانی ئیسلام