ئەمیرعەبدوڵڵاهیان و نەخاڵە لە تاران کۆبوونەوە

چوار شه‌ممه‌ 3 ئاب 22 - 19:00
https://kurdish.iswnews.com/?p=15646

وەزیری دەرەوەی ئێران وێڕای دەربڕینی خۆشحاڵیی خۆی لە دیدار لەگەڵ شاندی باڵای بزووتنەوەی جیهادی ئیسلامی، لە دیدارەکەیدا لەگەڵ زیاد نەخاڵە، جەختی لە درێژەی سیاسەت و هەڵوێستە بنچینەیی و نەگۆڕەکانی کۆماری ئیسلامیی ئێران بۆ پشتیوانی لە پرسی فەلەستین و خۆڕاگری میللەتی چەوساوەی فەلەستین لە دژی دەستدرێژی و فراوانخوازی رژێمی زایۆنیستی کردەوە.

هەواڵەکانی جیهانی ئیسلام؛ حوسێن ئەمیرعەبدوڵڵاهیان وەزیری دەرەوەی ئێران ئێوارەی ڕۆژی سێ شەممە لەگەڵ زیاد نەخاڵە ئەمینداری گشتی بزوتنەوەی جیهادی ئیسلامی فەلەستین دیدار و گفتوگۆی کرد.

وەزیری دەرەوەی ئێران لەم دیدارەدا دڵنیایی دایەوە کە خۆڕاگری ئیسلامی لە ناوچەکە و فەلەستین لە سایەی پتەوکردنی یەکگرتوویی و هاودەنگی و یەکڕیزی ناوخۆیی خۆیاندا بە هێزەوە بەرگری لە مافەکانی گەلانی ناوچەکە و فەلەستین دەکات.

زیاد نەخاڵە، ئەمینداری گشتی بزووتنەوەی جیهادی ئیسلامی فەلەستین لەگەڵ دەربڕینی خۆشحاڵی خۆی بۆ گەشتەکەی بۆ تاران، یادی ئیمام خومەینی (رە) و شەهیدیانی خۆڕاگری لەوانیە قاسم سولێمانی بەرز نرخاند و ستایشی هاوکاری و پاڵپشتی بەردەوامی کۆماری ئیسلامیی لە خۆڕاگری و ئامانجی گەلی فەڵەستین کرد و دڵنیایی ئەوەیدا کە بە یارمەتی خودای گەورە، هێزەکانی خۆڕاگری لە سەرتاسەری ناوچەکە سەرکەوتنی کۆتایی لە بەرانبەر ڕژێمی زایۆنیستی بە دەست دێنن.

بەشی بکە:
لێدوانەکان

وەڵامێک بنووسە

پۆستی ئەلکترۆنیکەت بڵاو ناکرێتەوە .