بڕیاری حکومەتی دەستلەکارکێشاوە بۆ دەرکردنی چەکدارانی حزبی ئیسڵاح لە پارێزگای شەبوە

سێ شه‌ممه‌ 26 ته‌مموز 2022 - 09:48
https://kurdish.iswnews.com/?p=15366

هەواڵەکانی جیهانی ئیسلام؛ عەوەز بن ئەلوەزیر ئەلعەولەقی، پارێزگاری شەبوە فەرمانی دەستگیرکردنی فەرماندەکانی سەر بە حزبی ئیسڵاح لە پارێزگای شەبوەی دەرکرد.

دوابەدوای زیادبوونی ململانێکانی نێوان حزبی ئیسڵاح و حکومەتی دەستلەکارکێشاوە لە پارێزگای شەبوە، عەوەز بن ئەلوەزیر ئەلئەولەقی، پارێزگاری شەبوە، فەرمانی دەستگیرکردنی عەمید “عەبدڕەبە لەعکب” و “وەجدی باعوم” لە فەرماندەکانی سەر بە جزبی ئیسڵاح لە پارێزگای شەبوە دەرکرد.

لەعکب فەرماندەی لیوای دووی هێزە ئەمنییە تایبەتەکانە لە پارێزگای شەبوە و بەهۆی ناکۆکی لەگەڵ هێزەکانی حکوومەتی دەستلەکارکێشاوەوە لێپێچینەوەی لەگەڵ دەکرێت. دوای دەرکردنی فەرمانی دەستگیرکردنی لەعکب، فڕۆکەخانەی شاری بلحاف بە موشەک هێرش کرایە سەر و لەعکب گومانلێکراوی سەرەکی ئەم هێرشەیە. ناوبراو لە ١٩ی تەمموزدا لە هەوڵێکی تیرۆرکردندا، رزگاری بوو.

لە ئێستادا هێزەکانی ئەلمعالقە بۆ یارمەتیدانی هێزە چەکدارەکانی پارێزگاری شەبوە چوونەتە ناو شاری عەتق و لە هەندێک ناوچەدا، لەنێویاندا هۆتێلی خەلیج، لەگەڵ چەکدارانی حزبی ئیسڵاحدا چێکدادانیان کردووە، بەڵام تا ئێستا هیچ دەستکەوتێکیان نەبووە، و حزبی ئیسڵاح تا ئێستاش لە بنکەکانیان لەم شارەدا ماونەتەوە.

بەشی بکە:
لێدوانەکان

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *