دوایین بارودۆخی شاری ماریۆپۆل، ١٤ی نیسانی ٢٠٢٢

هه‌ینی 15 نیسان 2022 - 12:08
https://kurdish.iswnews.com/?p=10416

هەواڵەکانی جیهانی ئیسلام؛ گەمارۆدانی هێزەکانی ئۆکرانیا لە شاری ماریۆپۆل توندتر بووە و لەئێستادا نزیکەی ٥ هەزار سەربازی سوپای ئۆکرانیا لەو شارە گیریان خواردووە.

لە ١٢ و ١٣ی نیسان نزیکەی ١٣٠٠ سەرباز و ئەفسەری سوپای ئۆکرانیا لە شاری ماریۆپۆل خۆیان ڕادەستی سوپای ڕووسیا کرد. جێی باسه که پێش گەمارۆدانی ماریۆپۆل نزیکەی ١٤ هەزار سەربازی ئۆکرانی لەو شارەدا بوون و ئەوەی مەزەندەدەکرێت ئێستا نزیکەی ٥ هەزار سەربازی سوپای ئۆکرانیا لە شاری ماریۆپۆل گەمارۆدراون.

لە ئێستادا گەمارۆدانی هێزەکانی ئۆکرانیا لە شاری ماریۆپۆل بووە بە سێ بەشی ڕۆژهەڵات، باکوور و ڕۆژئاوا و هەر یەک لە گەمارۆکان پەیوەندییەکانیان لەگەڵ یەکتر بڕاوەتەوە.

لەم چەند ڕۆژەی دواییدا بەندەری باشووری ڕۆژئاوای ماریۆپۆل لەلایەن سوپای ڕووسیاوە دەستی بەسەردا گیرا؛ بەڵام ئۆپەراسیۆنی پاککردنەوەی مین و تەقەمەنییەکان لە بەندەرەکە بەردەوامە. لە بەشی ڕۆژئاوادا هێزەکانی ئۆکرانی زۆربەی سەنگەرەکانیان لە دەست داوە و چانسی کەمتریان بۆ بەرگری هەیە.

لە بەشی ڕۆژهەڵات، شەڕ و پێکدادان لە دەوروبەری ناوچەی پیشەسازی ئەزوستال بەردەوامە. وەک دەوترێت ناوچەی پیشەسازی ئەزوستال بە باشی بە سەنگەر لێدان پارێزراوە، و لە ژێرەوە تۆڕێکی تونێلی درێژدا هەیە. لەباکوری شارەکە و لە بەشی باکووردا ناوچەی پیشەسازی ئیلیچ بەشێکی دیکەی هێزەکانی ئۆکرانیایە کە تێیدا بەرگری دەکەن.

بەشی بکە:
لێدوانەکان

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *